Vaso votivo. Castro de Castromao

01/06/2021 | 2021 | peza do mes
Vaso votivo. Castro de Castromao

O vaso que presentamos foi recuperado no xacemento de Castromao, na campaña de escavación de 2007, dirixida por L. Orero Grandal.

Trátase da parte superior dunha xerra ou vaso de 10’5 cm de diámetro aproximadamente cunha característica decoración. Consérvanse dúas asas da peza, aínda que se ten dito que podería ter unha terceira, agora perdida. Enriba das asas, obsérvanse cuncas hemisféricas. Na parte superior do corpo aparece un cordón plano, xunto con catro motivos realizados a molde e aplicados ao vaso. Dun lado, pódense observar a cabeza dun león e un acio de uvas e do outro, unha cesta que parece conter froitos e outro acio de uvas, aínda que cunha configuración algo diferente ao anterior.

Sobre a súa produción, as características da pasta apuntarían a unha cerámica común fina producida en Bracara Augusta.

Polo contexto de aparición da peza, podemos datala a finais do século I ou inicio do século II.

#DIM 2021: Vídeo «Museo Arqueolóxico. Pasado, presente e futuro»

20/05/2021 | actividades | destacado

Con motivo do Día Internacional dos Museos elabórase este vídeo sobre a historia do edificio do Museo na Praza Maior, que se presenta e exhibe dende o 13 de maio ao 13 de xuño na Biblioteca Pública Nós en Ourense.

#DIM 2021: Streaming para ver a Quico Cadaval en directo

18/05/2021 | actividades
dim2018

#DIM2021 : O FUTURO DOS MUSEOS: RECUPERAR E REIMAXINAR

 

Quico Cadaval“A memoria reimaxinada”

18 de mayo ás 20:30 h.

Emisión en streaming vía Facebook Live

Enlace: https://www.facebook.com/events/500532077768263/

#DIM 2021. Proxecto didáctico para escolares de Primaria: “Imaxina o teu Museo”

14/05/2021 | actividades | destacado
dim2018

Con motivo da celebración do Día Internacional dos Museos 2021, o Museo Arqueolóxico Provincial de Ourense quere convidar ós centros escolares a súa participación no proxecto “Imaxina o teu Museo”, co fin de retomar a vinculación entre os centros e a futura sede.

Este proxecto consiste en que as rapazas e rapaces do voso centro fagan unha proposta de deseño dunha sala expositiva do museo, ben a través dun debuxo, dunha maqueta ou outra técnica.

Na páxina web do museo poden verse algunhas das pezas coas que conta o museo (http://www.musarqourense.xunta.es/category/peza_mes/) e que poden servir de axuda para a realización da proposta aínda que tamén podemos enviarvos unha selección sobre a que traballar. Para guiarvos e axudarvos na realización do proxecto podedes contactar en todo momento con Begoña Garrido (begogal@xeitura.com)

A data límite de participación é o 10 de xuño. A partir desa data todas as propostas estarán colgadas no Facebook do museo e entre elas sortearanse uns lotes de libros para as bibliotecas dos centros. Ademáis, a proposta máis interesante recibirá como premio un obradoiro de temática arqueolóxica no voso centro, agasallo de Xeitura.

Se estades interesados en participar no proxecto, enviade un correo a reservas@xeitura.com para que se vos sexa enviada a ficha de inscrición e a unidade de traballo.

#DIM2021 Obradoiros didácticos presenciais: “O meu, o teu, o noso Museo”

14/05/2021 | actividades
dim2018
← entradas máis antigas