A exposición NA PROCURA DO PASADO. ORIXE E DESENVOLVEMENTO DA ARQUEOLOXÍA EN OURENSE no Museo das Peregrinacións e de Santiago

21/03/2017 | exposicións
aros_regodeigon

Esta exposición, producida polo Museo Arqueolóxico Provincial de Ourense, foi pensada para render homenaxe a todos aqueles arqueólogos que fixeron posible reconstruir a nosa historia. A través das fotografías expostas, hoxe auténticos documentos históricos, podemos coñecer o seu traballo.

Na mostra destacan algunhas das pezas máis significativas recuperadas mediante intervencións arqueolóxicas como o Guerreiro de Armea, o Sedente de Xinzo, as xoias de Regodeigón, a Arracada de Vilar de Santos, a Tabula de Castromao ou o Mosaico da Cigarrosa. Estas pezas son a testemuña da sociedade que as creou e utilizou, pero tamén dos investigadores que as descubriron e estudaron.

 

HORARIO do MUSEO

Martes a venres, de 10.00 a 20.00 h

Sábados, de 10.30 a 13.30 h e de 17.00 a 20.00 h

Domingos e festivos, de 10.30 a 13.30 h

Ata o 28 de maio de 2017

 

Museo das Peregrinacións e de Santiago

(more…)

Presentación da Peza do mes

14/03/2017 | actividades
2017_03_01

O mércores, 15 de marzo, ás 20.00 h. terá lugar a presentación da Peza do mes: “DÚAS FOTOGRAFÍAS DO AVIADOR PIÑEIRO. RIBADAVIA. 1913“, na sala da exposición “Escolma de Escultura” en San Francisco (Ourense).

A explicación correrá a cargo de María del Pilar Núñez Sánchez.

Entrada libre.

Festival Pórtico do Paraíso no Museo: Mercedes Hernández e Fernando Reyes

06/03/2017 | actividades
Mercedes-Hernandez_Fernando-Reyes-1

O Festival Internacional de Música de Ourense Pórtico do Paraíso foi pensado para ofrecer ao seu público a posibilidade de escoitar solistas e grupos dunha calidade moi alta ou incluso excepcional no mellor do noso patrimonio arquitectónico.

A Catedral, de cuxo Pórtico toma o nome o Festival, ten un especial protagonismo pois nela ábrese cada edición cun concerto de música sacra. Paralelamente, celébranse, segundo a edición, exposicións, mesas redondas, conferencias, encontros e clases maxistrais, polo que toda a cidade respira música durante os dez días que dura o evento.

O Museo Arqueolóxico Provincial de Ourense será o escenario das cantigas de trobadores galegos e portugueses do século XIII interpretados por Mercedes Hernández (voz) e Fernando Reyes (corda pulsada) o día 8 ás 20:30h.

O Concello de Ourense asume a organización do Festival, e a Deputación de Ourense xunto coa Asociación Pórtico Musical a coorganización. A Xunta de Galicia a través da AGADIC refórzao coa súa colaboración.

 

X Festival Internacional de Música de Ourense Pórtico do Paraíso

Mercedes Hernández e Fernando Reyes

Dúas fotografías do aviador Piñeiro. Ribadavia, 1913

01/03/2017 | 2017 | peza do mes
2017_03_p

As dúas fotografías que presentamos corresponden a un dos espectáculos de José Piñeiro González “o aviador Piñeiro”, o primeiro home galego en pilotar un avión. Son copias de placas de cristal realizadas o 13 de xullo de 1913 en Ribadavia con motivo das festas e forman parte dunha extensa e variada colección, doada hai uns trinta anos por Pablo García Vázquez ao fotógrafo Fernando del Río e que hoxe forman parte dos fondos documentais do Museo. A colección componse de numerosas placas de cristal tomadas cunha ICA «Ideal», con obxectivo TESA, de fabricación alemana, que foron realizadas e reveladas polo doutor García Pérez (médico cirurxán do Hospital Provincial de Ourense), pai do doador. Na primeira delas, o doutor García inmortaliza o aviador Piñeiro no intre de subir ao seu aeroplano e na outra xa en voo. O lugar elixido, o campo de San Cristovo, nas marxes do Avia non era o axeitado pois carecía do espazo necesario para aterrar e as árbores e montañas que o rodeaban eran un tremendo perigo para o piloto. Aínda sabedor de que o accidente era inevitable, o aviador non quixo desairar os milleiros de persoas que viñeran de moitos lugares para velo e, a pesar da insistencia dos seus mecánicos e dos membros da comisión de festas en cancelar o evento, voou para eles.

Presentación da Peza do mes

07/02/2017 | actividades
2017_02_1

O mércores, 8 de febreiro, ás 20.00 h. terá lugar a presentación da Peza do mes: “LÁPIDA DE SAN PEDRO DE ROCAS”, na sala da exposición “Escolma de Escultura” en San Francisco (Ourense).

A explicación correrá a cargo do Profesor Titular de Historia Medieval da Universidade de Vigo, Francisco Javier Pérez Rodríguez.

Entrada libre.

← entradas máis antigas entradas máis recentes →