Fóra dos Museos

12/03/2018 | actividades
FDM01-convite-180306

“Fóra dos museos” traza un percorrido singular para que visitantes e público en xeral poidan, dunha banda, gozar de preto de seis pezas únicas provintes de museos e coleccións privadas, e doutra, reflexionar sobre o papel destas institucións en Galicia. Partindo dunha escolla de seis pezas que se irán exhibindo, a partir do 13 de marzo ás 20:00, durante oito meses, achegarémonos á súa orixe e problemáticas, e preguntarémonos que tipo de obxectos custodian.

“Fóra dos museos” é unha actividade da Librería NUMAX comisariada pola investigadora Sabela L. Pato que se centra nos museos galegos. A partir dunha escolma de seis pezas interrógase sobre a súa orixe, as súas problemáticas e sobre o tipo de obxectos que custodian e exhiben. Que repertorios caracterizan o sistema museal galego? Por que outros carecen de presencia? Que acontece, por exemplo, coa arte do exilio e cos testemuños materiais da represión franquista? E historicamente, en que modo contribuíron os museos á formación do sistema cultural galego? Na súa actual configuración: a que horizontes responde?

As seis pezas escollidas, e que se irán desvelando aos poucos, amosaranse sucesivamente no espazo da Libraría NUMAX ao longo de 8 meses durante unhas 5 semanas cada unha. Foron escollidas en base á súa relación co sistema museográfico galego. E para que isto teña sentido, o inicio da exhibición acompañarase dunha conversa en NUMAX con traballadores e traballadoras dos museos. Porque tamén conversar, debatir e difundir as problemáticas asociadas ao sistema museal galego é unha das claves deste proxecto. (more…)

Festival Pórtico do Paraíso: Wolodymyr Smishkewych

05/03/2018 | actividades
WOLODYMYR_03

O Festival Internacional de Música de Ourense Pórtico do Paraíso foi pensado para ofrecer ao seu público a posibilidade de escoitar solistas e grupos dunha calidade moi alta ou incluso excepcional no mellor do noso patrimonio arquitectónico.

A Catedral, de cuxo Pórtico toma o nome o Festival, ten un especial protagonismo pois nela ábrese cada edición cun concerto de música sacra.

O Museo Arqueolóxico Provincial de Ourense será o escenario da interpretación de Wolodymyr Smishkewych o martes, día 6 ás 20:30h.

O Concello de Ourense asume a organización do Festival, e a Deputación de Ourense xunto coa Asociación Pórtico Musical a coorganización. A Xunta de Galicia a través da AGADIC refórzao coa súa colaboración.

XI Festival Internacional de Música de Ourense Pórtico do Paraíso

Virxe do Carme. Retablo de Alongos

28/02/2018 | 2018 | peza do mes
Virxe do Carme

A presente talla presidía o retablo da capela do pazo ou Casa Grande situada no barrio de Outeiro en Alongos (Toén, Ourense), coñecida despois como Casa de Saco por ter nacido nela o presbítero humanista Juan Antonio Saco y Arce (1812-1881), autor dunha abondosa obra poética e da que se considera a primeira gramática galega científica, publicada en 1868.

Esta imaxe da Virxe do Carme está delicadamente tallada en madeira, dourada e policromada, e ten unhas dimensións de 94 x 33 x 46 cm. Representa unha muller nova cun rostro ovalado de suaves faccións e expresión serea, enmarcado por un pormenorizado cabelo que cae nunha longa guedella sobre un dos ombreiros. Vai toucada cun movido veo e ampla coroa dourada. Na man dereita, estendida, ofrece o atributo iconográfico do escapulario, símbolo de protección, e coa man esquerda suxeitaría o Neno, hoxe perdido.

Ano Europeo do Patrimonio Cultural

07/02/2018 | actividades | destacado
IMG_1981

Con motivo da celebración do Ano Europeo do Patrimonio Cultural 2018, dedicado neste mes de febreiro á Ribeira Sacra incluimos nesta sección unha fotografía de Diego Quiroga Losada, Marqués de Santa María del Villar (1880–1976). 

Este fotógrafo percorreu a provincia de Ourense en 1959 fotografando aspectos relativos á riqueza cultural, natural e artística. Entre os espazos dos que tomou instantáneas non podía faltar a Ribeira Sacra, da que queda constancia nesta imaxe que reflicte a súa fonda sensibilidade pola protección e defensa do patrimonio cultural.

Presentación da Peza do mes

07/02/2018 | actividades
CE005227_75e

O mércores, 14 de febreiro, ás 20.00 h. terá lugar a presentación da Peza do mes: “MORTEIRO. CONXUNTO ARQUEOLÓXICO-NATURAL DE SANTOMÉ“, na sala da exposición “Escolma de Escultura” en San Francisco (Ourense).

A explicación correrá a cargo de María del Pilar Núñez Sánchez.

Entrada libre.

← entradas máis antigas entradas máis recentes →