Presentación da Peza do mes

08/01/2018 | actividades
2018_01_01

O mércores 17 de xaneiro ás 20.00 h terá lugar a presentación da Peza do mes de xaneiro de 2018: “VASILLAS. ENTERRAMENTO DA LAVANDEIRA” na sala da exposición “Escolma de Escultura” en San Francisco (Ourense).

A explicación correrá a cargo de María del Pilar Prieto Martínez. Grupo Síncrisis, Universidade de Santiago de Compostela.

Entrada libre.


Vasillas. Enterramento da Lavandeira

29/12/2017 | 2018 | peza do mes
Vasillas. Enterramento da Lavandeira, Vila de Rei.

Bo Nadal

20/12/2017 | xeral
banner_nadal_2017

Presentación da Peza do Mes

13/12/2017 | actividades
muiño_santome

O mércores 13 de decembro ás 20.00 h terá lugar a presentación da Peza do mes de decembro de 2017: “MUÍÑO CIRCULAR. CONXUNTO ARQUEOLÓXICO-NATURAL DE SANTOMÉ” na sala da exposición “Escolma de Escultura” en San Francisco (Ourense).

A explicación correrá a cargo de Xulio Rodríguez González, director do Museo.

Entrada libre.​

Muíño circular. Conxunto arqueolóxico-natural de Santomé

01/12/2017 | 2017 | peza do mes
Mu’–o circular. Conxunto arqueol—xico-natural de SantomŽ

A peza obxecto de análise documentouse na campaña de escavación realizada no ano 2003 no recinto superior do castro do Conxunto Arqueolóxico-Natural de Santomé onde se descubriu o muíño, asociado a outro de características semellantes xunto a unha gran cantidade de fragmentos cerámicos que despois do proceso de restauración se concretaron en catro recipientes que funcionarían como grandes contedores, previsiblemente de cereais.

A xeneralización do uso do muíño rotatorio supuxo un grande avance tecnolóxico no procesamento e transformación dos alimentos, ao igualar a superficie de fricción da pedra pasiva coa superficie da peza activa, e permitir un movemento continuo nunha dirección, en contraposición ao movemento de vaivén doutros muíños. Isto lévase a cabo por medio de dúas rodas encaixadas entre si por planos inclinados e unidas mediante un eixe. A pedra superior, catillus, presenta unha cara cóncava que se adapta á inferior, fixa e convexa. O gran introdúcese directamente polo oco central.

A data de introdución deste muíño na cultura castrexa do NW foi durante moito tempo motivo de controversia entre os autores que se ocuparon do estudo da súa cultura material; recentes escavacións e a revisión das antigas intervencións poñen de manifesto que durante a segunda metade do século IV o muíño rotatorio xa está introducido en determinas áreas do noroeste da Península Ibérica, aínda que posiblemente non se xeneralice o seu uso ata o século I a C., I d .C. Outro aspecto que parece estar relativamente claro é que a súa introdución se produce desde o sur por vía marítima, e que paulatinamente se van estendendo cara ao interior.

← entradas máis antigas entradas máis recentes →