Presentación da Peza do mes

15/05/2017 | actividades
Fotografía campaíña do Castro da Muradella, Verín

O martes, 16 de maio, ás 20.00 h. terá lugar a presentación da Peza do mes: “CAMPAÍÑA (TINTINABULUM). CASTRO DA MURADELLA (MOURAZOS, VERÍN)“, na sala da exposición “Escolma de Escultura” en San Francisco (Ourense).

A explicación correrá a cargo de TOMÁS VEGA AVELAIRA.

Entrada libre.

Día Internacional dos Museos 2017

09/05/2017 | actividades
cartaz_actividades

ACTIVIDADES DO MUSEO ARQUEOLÓXICO CON MOTIVO DO DIM

 

16 de maio

 

Visita guiada ao Edificio do Museo na praza Maior (antigo Pazo episcopal)

12.30 h. Gratuíta

Necesaria inscrición previa

 

Presentación da Peza do mes. Campaíña. A Muradella, Mourazos (Verín)

20:00 h. Acceso libre

Sala de exposicións de San Francisco «Escolma de escultura»

 

16, 18 e 19 de maio

 

Obradoiros didácticos para nenos/as. Castrexos e romanos, amigos ou inimigos?

10:30 h

Praza Maior. Museo Arqueolóxico Provincial de Ourense

Realizados por Xeitura

 

18 de maio

 

Visita guiada ao laboratorio de Restauración do Museo Arqueolóxico Provincial de Ourense

12:30 h. Gratuíta

rúa Xílgaros, s/n. Santa María de Europa. A Carballeira

Necesaria inscrición previa

 

Concerto de Clara Pino & Pablo Vidal

21:00 h. Acceso libre

Claustro do Museo Arqueolóxico Provincial de Ourense. Praza Maior

 

19 de maio

 

Visita guiada á sala de exposicións de San Francisco «Escolma de escultura»

12:30 h. Gratuíta

Sala de exposicións de San Francisco «Escolma de escultura» Museo Arqueolóxico Provincial de Ourense

Necesaria inscrición previa

 

Anótate nas actividades que precisan inscrición no 988 788 439 ou envía un correo a mapour@xunta.es

Campaíña (tintinabulum). Castro da Muradella (Mourazos, Verín)

02/05/2017 | 2017 | peza do mes
Fotografía campaíña do Castro da Muradella, Verín

En 1964 produciuse no castro da Muradella –próximo ao pobo de Mourazos (Verín)–, un achado sen precedentes na arqueoloxía ourensá: un grupo escultórico en mármore de época romana representando a Dionisio e Ampelos. Naquel momento Jesús Taboada Chivite tiña o cargo de delegado do Servizo Nacional de Escavacións Arqueolóxicas e, en consecuencia, realizou as xestións oportunas para proceder ao seu rápido ingreso no Museo Arqueolóxico Provincial de Ourense que aconteceu nese mesmo ano. A importancia do achado e a necesidade de constatar a intensa romanización do castro levaron a J. Taboada a solicitar, á Dirección Xeral de Belas Artes, do Ministerio de Educación e Ciencia, o permiso necesario para levar a cabo unha campaña de escavación arqueolóxica que se levou a cabo entre o 26 de setembro e o 10 de outubro de 1966.

Durante a intervención arqueolóxica saíron á luz os restos de «una villa rústica que subsiguió a la romanización del castro hasta época tardía». Entre os obxectos metálicos recuperados na campaña de escavación citada figura unha campaíña (tintinabulum) fabricada en chapa de bronce. Estas campaíñas  se empregaban como amuleto (amuletum) máxicoapotropaico co fin de evitar o mal de ollo, e tamén como peza decorativa dos arneses das cabalarías, como complemento dos enxovais funerarios ou como simple adorno persoal cosido na vestimenta, sen esquecer outros posibles usos no ámbito doméstico e relixioso.

Presentación da Peza do mes

10/04/2017 | actividades
Porta ciclópea de acceso ao recinto intermedio do Castro da Sace

O mércores, 19 de abril, ás 20.00 h. terá lugar a presentación da Peza do mes: “TENACES. CASTRO DA SACEDA“, na sala da exposición “Escolma de Escultura” en San Francisco (Ourense).

A explicación correrá a cargo de Martiño Xosé Vázquez Mato.

Entrada libre.

Tenaces. Castro da Saceda

31/03/2017 | 2017 | peza do mes
Tenaces do Castro da Saceda

O coñecido como Castro da Saceda ou A Cidá sitúase nun outeiro cónico no centro da penechaira conformada polas barbas da Serra do Larouco na súa caída cara o val do Támega, no concello de Cualedro (Ourense). O poboado configúrase arredor de tres recintos amurallados, dispostos en medias lúas defensivas xustapostas a modo de chanzos a diferente altura cara ao suroeste, sistema reforzado cun sistema de foxo-parapeto nas zonas de máis doado acceso. Este programa defensivo adáptase á topografía do outeiro para acadar un espazo habitable.

O material arqueolóxico recuperado nas seis campañas de escavación dirixidas polos arqueólogos Antonio Rodríguez Colmenero e Covadonga Carreño Gascón (1983, 1984, 1985, 1986 e 1991) reducen case en exclusiva o abano temporal á 2ª Idade do Ferro.

No referido aos elementos metálicos recuperáronse abundantes obxectos de ferro e bronce. Entre os artefactos metálicos realizados en ferro que foron recuperados destacan os coñecidos como mazos de canteiro, machados, espadas curtas afalcatadas, instrumentos de construción, etc. Aqueles outros realizados en bronce como adornos, agullas para o cabelo, fíbulas, broches e incluso un torque apuntan á existencia dun grupo social diferenciado propio dun proceso de xerarquización social.

Estas tenaces de ferreiro foron fabricadas con dous brazos rectos de sección cadrada e cabeza en curva con remates en forma de espátula. Ambos os brazos atópanse unidos mediante un pasador de bronce que facilita a súa apertura ou o seu peche converténdoa nunha ferramenta adecuada para suxeitar outros obxectos, arrincar cravos, etc.

← entradas máis antigas entradas máis recentes →